U MLA ka NPP na North Tura, u Thomas Sangma ynne da chah jied u kam u Speaker wa 18 ka Meghalaya Legislative Assembly hadien wym em wa wan chakhmat wow thap pyrtuid neibynta kani ka chuki.
Hawa e yei klam kam u Speaker wa thymme da ong u wa da yooluti u wa ki dkhot ka yung dorbar chna aiñ daw yatai ki deiwa chit wei neiliang yong oo ym leh chiliang u tangwa daw man u uwa skem hawa pynlai ya ka dorbar.
Da yooluti u leh wa kiwi mihkhmat paidbah daw pynneh ki yei naam i burom neibhah ya ka yung dorbar ka Meghalaya da tip kam kawa emburom wei kawa emakor.
Da kyntu u leh ya ki dkhot ka yung dorbar wym toh u chim kabu ki yei hok yong ki wei wow mihkhmat ki ya ki paidbah deiwa emburom yow ya chna ya ki aiñ wa daw pynmyntoi ya ki paidbah.
Kiwa e yei klam hawa e khublei ya u Speaker thymme wa kynthup ya u Paul Lyngdoh, da ong u wa da yooluti u wa hawa chong ha ka chuki, u Speaker daw looid noh ya yei riam ka NPP wei wow man u bru u wym em i leh chiliang neibhah ka yung dorbar emkaam yow chah yah ka cha ka luti wa thymme.
Ynne da pyndep leh ya ka Vote of Confidence ya ka sorkar wa thymme heiwa waroh da pynsñiaw ki yei chaniah wei da kynmoo warom leh ya kiwa mihkhmat kiwa dang dep khlaad kam u HDR Lyngdoh wa u AH Scott Lyngdoh.
