Ka Akhil Bharatiya Vidyarthi Parishad (ABVP) da e khublei ko ya waroh ki MLA wa dang chah jied ki le jylla ka thaaiñ North East wa kynthup ya ka Nagaland, Tripura wa Meghalaya deiwa yooluti wa daw kreh ki yow pynyoh yei angnood ki paidbah.
Ka ABVP da dawa ko leh wa kini ki le tylli ki sorkar thymme wow pynkylla ki ya ka Education Policy yong ki yow yahaap ki waka National Education Policy deiwa ong wa ka National Education Policy kawa da wanrah da ka sorkar pyrdi ha u 2020 man ko ka neibynta ka ri India waroh kawi yow pynkupbor ya ki pateiñ wow wan katkam ka juk yong ki.
Kamtæ da ong wa ka National Education Policy toh u pynkrehkaam ha waroh kini ki le tylli ki jylla khlem pynslem nadooh ka sngi wa nyngkong deiwa pyrkhat kyrpang kammon wow pynyoh kreh.
Da ong leh wa ka National Education Policy toh kawa emkaam ya ki khynroo khyllood wei ym toh wow pynslem u pynkrehkaam ka wei da yooluti leh wa najrong kani daw wanrah leh kini ki sorkar thymme ya iwa boon i roi i paar ki paidbah.
