Kam chibynta wow pynyoo yei pyrchah joor hajrong i klam u Montri Rangbah ka Assam, u Himanta Biswa Sarma wa ka chnong Mukroh haap ko hapoh ka jylla Assam, neiliang ka seiñ EJNC da pynman ko ya ka yalang wa tbian ynne hakhmat ka yung krehkaam u Deputy Commissioner ka East Jaiñtia Hills District wei heijooh i por da thang leh yei dur bula u Montri Rangbah ka Assam.
Ha ka yalang wa pynlai da u General Secretary ka EJNC u Nangjan Dkhar, da yoh yei klam na u President Rangbah ka seiñ, u Sambormi Lyngdoh uwa da ong wa ka Forest Outpost ka Assam leh hap wow kyrriah neibhah wa dang haap ko hapoh ka chnong Mukroh.
Da ong u leh wa u Montri Rangbah ka Assam toh u sangeh noh u wow klam biej wow kam ya ka Mukroh wa haap ko hapoh ka West Karbi Anglong District neibhah ki kot ki sla wa em waka JHADC da pynyoo wa em ko hapoh ka West Jaiñtia Hills District.
