U Deputy Commissioner (Supply), West Jaiñtia Hills da pyntip u wa ya u khoo rachon NFSA (AAY wa PHH) wa u khoo Non-NFSA neibynta uni u bnai (April), 2023 daw pynlait cha waroh ki dukan dai rachon namo ki FP Shop Dealers hadooh ka 21 tarik uni u bnai.
Ya u khoo Antyodaya Anna Yojna (AAY) daw saam dei mynkna 35 kg kawi ka AAY FI Card ha ki thaw wa em cha sor wa cha palatsor.
Ya u khoo Priority Household (PHH) won u saam 5 kg chi khlieh dei mynkna ha ki thaw wa em cha sor wa cha palatsor.
Ya u khoo Non-NFSA won u saam 7.215 Kg kawi ka manyung hei dor wa booh da ka Vigilance Committee iwa ymtoh wow palat T. 14 chi kilo ha ki thaw wa em cha sor wa cha palatsor.
U Deputy Commissioner (Supply) da phah u ya waroh ki dukan rachon wow wan chim ki ya ki Permit na yung krehkaam u Deputy Commissioner (Supply) wei wow pyndep ki yei saam ya u khoo hapoh ka 10-05-23 deiwa leh da ka Online Transaction lyngba ki kor e-Pos (Online Mode) ha ki dukan yong ki khlem pep.
