U Director General of Police (DGP) ka jylla, u Dr. LR Bishnoi da ong u wa ka chnat pulit da pyrchang ko wow khanglaad ya i khayi tooh ya u moooyong, tangwa da pynñiaw leh wa man iwa eh neibhah i thaw man ko kawa heh katwa i em ki pulit won duna i wei ymye wow lai cha man ki thaw.
Da ong u wa em ki por wa kiwa khayi mooyong tooh pynemkaam ki da ki sarok khloo, tangwa hanla kattæ leh da pyrchang wow khanglaad ya i khayi mooyong tooh.
U DGP da ong u wa ka chnat pulit da leh ko katkam wa phah ka High Court wei da pyrchang wow pynbait ya iwa duna kamwa da hukum ka kasari. Da ong u wa katkam wa man katni da sdang wow khoom u kdoh ya i khayi mooyong tooh, wei da leh katkam wa phah ka kasari wa ka sorkar wow leh.
Kam wow kdaw heini ka High Court ka Meghalaya da phah ko ya ka chnat pohyung ka sorkar pyrdi wow phah noh 10 pyrton ki pulit Central Armed Police Force (CAPF) wow pait ya i khayi mooyong tooh wei ini i phah ya ki CAPF toh hadien wa ki pulit ka Central Industrial Security Force (CISF) ymbien ki wow chimkti ya ini i kaam wei ka High Court da ong bait ko wa ki pulit ka jylla ymye wei ym kwah ki wow leh ya ini i kaam wow pyndooh yei tih wei chalan tooh ya u mooyong.
