U Prestone Tynsong uwa man leh u National Vice President ka National People’s Party (NPP) da ong u wa ymtip u iyi iyi hajrong i thmu wow psiah NPP ki ar ngut ki MLA ka People’s Democratic Front (PDF).
Hadooh ynne ka sngi da poor kani ka khubor kini ki arngut ki MLA ka PDF u psiah noh ki cha ka NPP wow pynkhlan chooh chooh ya ka Party chwa ka Election ha Sohïong, kini ki MLA kynthup ki ya u Banteidor Lyngdoh uwa man u Working President ka PDF wa u Gavin M Mylliem uwa man u President ka PDF.
Hawa pyrchang wow yaklam wa kini ki heh ka PDF lyngba ka Phone da pynsñiaw ki wa ka Party daw hap thooh yutip ko chwa ha ka yalang yong ka Executive Committee hajrong kani ka khubor wei neiliang u Gavin ynnin ka sngi da kyntait u wow klam iwon iwon ha kiwa pathai khybor, deiwa ong hi-eh wa i por wow batai.
Tangwa hawa kylli sa na u Prestone da kyntait u wow klam iwon iwon hajrong ini, tangwa da ong u wa ym em tip ya kam itæ.
