Ka chnat Tourism yong ka jylla ryngkat wa ka Umiam Sailing Club wa ka Yacht Association of India, ynne ka sngi da sdang ki ya ka tamasa kiñ lieñ wa nyngkong dooh ha thaaiñ mihsngi ka ri ya kawa da tip kam ka Northeast Regetta wei u pynkut ha ka 2 Naisan ha Umiam Watersports Complex.
Da wan wai ya kani ka tamasa da u montri wa pait ya ka chnat Tourism, u Paul Lyngdoh heiwa da em kamwa palat 100 tam kiwa chimbynta na palat 10 tylli ki jylla wa ki 12 tylli ki dhab ha kini ki 5 sngi kamjooh ki dhab na Indian Army wa Indian Navy.
Hawa klam ha kani ka sngi sdang u montri da yooluti u ya i burom ka jylla wei lyngba ka chnat Tourism daw ye ko u pynyoo pyrthai yei miatdur yong ka jylla.
Ha kini ki 5 sngi ka tamasa kiñ lieñ næ ka Regatta kamwa da tip hei ktien para hajrong i kiñ lieñ daw em i pynka’it ka’sar namo ki Concert ha ka 29 tarik wa 30 tarik uni u bnai heiwa daw chimbynta da ki dhab wa pawnaam ka jylla kamjooh n aka ri waka pyrthai.
Ha kani ka sngi sdang da wan pynchngaaiñ ruh da u Titosstarwell Chyne, u CEM ka KHADC, u Dr. LR Bishnoi uwa man u DGP, u Dr. Vijay Kumar D, Commissioner and Secretary, Govt. of Meghalaya, u Cyril V Diengdoh uwa man u Director ka chnat Tourism wa kiwi kiwi.
Puræ Leh: Nadooh ka 29 tarik u sdang ka tamasa Northeast Regatta ha Umiam
