Hawa yoh u Wyrta wow yaklam wa u Montri Rangbah ka jylla, u Conrad Sangma heiyatoh wa i jhep, da ong u wa neiliang ka sorkar da tyrwa ko ya ki karkhana wow ye u leh yeiwa emkaam wow pynkhooid namo wow leh yei Treatment yei jhep ha Tura, Shillong, Jowai wa ha kiwi de ki thaw.
Da ong u leh wa ka sorkar da thooh bniah ko ha ki chi bnai tam yow tip kammon da leh yei jhep ha ki sorbah kam ha Delhi, Gurgaon, Noida wei wot ha Guwahati wei da yoo leh yei stat wa da pynemkaam ki.
Da kyrmen u wa ha ki bnai wow wan daw ye u krehlang wa ki karkhana wow yarap pynkylla yei jhep cha iwa ye u pynemkaam ha kiwi ki rukom kamwa da leh ha kiwi ki bynta ka ri.
Da pynkynmoo u wa hapoh ka jylla da em ki stat wa da pyrchang heiwa em kiwa da krehkaam wei em ki wym krehkaam tangwa ha kani ka kynti da kreh chitom yow yoh ya ki bru wa biang neibhah ini toh i kaam wa eh wei iwa daw heh chooh chooh katwa dang lai i por.
Kamtæ da ong u wa emkaam wa ha kini ki bnai wow wan wow pynbait noh ya ini i kaam deiwa ye u sdang da iyi re iyi wa biang wei kiwa yatoh, wei kiwa ye u pynkrehkaam hapoh ka jylla.
