Ka Department of Telecom (DoT) da pyntip ki wa da em 1.52 lak tylli kiwa da suba wa chim Mobile Connection deiwa pynemkaam da ki kot ki sla wa da chna thok wa da yaleh ha ki Points of Sale (PoS) yong kiwa boon ki Telecom Service Providers (TSP) yong ki 6 tylli ki jylla ka North East wa kynthup ya ka Arunachal Pradesh, Manipur, Meghalaya, Mizoram, Nagaland wa Tripura.
Hawa pynsakhiat ya ki kot ki sla da chem wa 1.47 lak tylli ki Mobile Connection ki wym ye u pynsakhiat wei da chah pyndam ki da ki TSP kani ka thaaiñ.
Kini ki TSP da Blacklist ki leh ya 493 tylli ki thaw leh Mobile Connection wei da e 71 tylli ki ujor ha ki pulit ya kiwa suba toh ki Points of Sale kiwa leh ya kini ki kaam yow pynman ki pulit yei takit.
Ki kaam pyrchah aiñ wa thok bru lyngba ka Internet wa tip kam ki Cyber Crimes, i chah thok poisa wa kiwi de da leh lyngba ki SIM Card wa da yaleh da ki kot ki sla wa thok. Kamtæ da emkaam wow pyndam pyndooh noh ya kini ki jait SIM Card wei neiliang ka DoT da sdang ko wow pynkhreh ya ka Artificial Intelligence Facial Recognition Powered Solution neibynta ki Telecom SIM Subscriber Verification yow yaleh pyrchah ya ki Cyber Crime yow lait na ini i leh thok ki bru.
