U Dr. Khadmiwed Chyrmang uwa man u khon ka (L) Irin Chyrmang wa u (L) Chalbert Ryngkhlem da yoh u ya ka kyrdan PhD ha ka Commerce deiwa pyndep u thoh ya ka Thesis hajrong ka phang wa ong “Operational Performance of Meghalaya Rural Bank in East Khasi Hills District-A Study with Reference to Agricultural Lending” wei yow leh ya kani ka thooh bniah namo ka Research da yoh yarap poisa u na ka Ministry of Tribal Affairs hapoh ka Scheme National Fellowship & Scholarship for Higher Education of ST Students.
Ya kani ka PhD da pyndep u na ka Annamalai University, Annamalai Nagar, Tamil Nadu hapoh i yahluti u Dr. V. Sundar, Professor of Commerce kam u Supervisor.
U Dr. Khadmiwed toh u diah u Brightstar Chyrmang, MDC Jowai North uwa chong wa sah ha Mihmyntdu. Katni da kreh u kam u Assistant Professor ha ka Department of Management, Martin Luther Christian University, Shillong.
Ya ka Class-X da pynep u na Jaiñtia Higher Secondary School, Jowai; ya ka Class-XII da pyndep u na Thomas Jones Synod College, Jowai; ya ka Undergraduate (Commerce) da pyndep u na Umshyrpi College, Shillong katwa ya ka Post Graduate won na Annamalai University wei da man u leh uwa da pyndep ya ka National Eligibility Test (NET).
