I kynaad ha khappood West Jaiñtia Hills waka West Kabri Anglong District ka Assam da pteiñ biang i ynne ka sngi hadien wa em uwa chong chnong ka Khanduli uwa lai rep ha Umpawiang da chah beh u ha ki Karbi heiwa hadien ini da wan kiwa na Khanduli kiwa da wan beh kylliang ya kini ki Karbi wei da mynsoo uwi u nong Karbi uwa da chah dat ha ki Khanduli.
Ha ini i jia da em leh i chah thang i yung trep wa em cha thaw rep wei ki paidbah da ya mih ki deiwa ya rah tiar.
U SP ka West Jaiñtia Hills District, u Chemphang Sytri uwa da lai cha ini i thaw wa jia da chah kawang moo ka kari u wei da ong u wa da em i yachoh hapyrdi ki Pnar wa ki Karbi wa em ha kani ka thaw wei hadien wa da wan u SP waka DC ka West Karbi Anglong da ye wow pynpra noh ya ki bru wei wow pynjai-jai wei da phah leh ya ki pulit da waroh ki arliang.
Kam wow pynkynmoo wa kiwa na Khanduli da khang ki wow wan rep kiwa na Karbi cha ki thaw wa em chapoh ka jylla kamjooh leh yei ya khayi pateiñ.
Ka khubor won neiliang ka Assam da ong wa ki nong Khanduli kiwa wan pynawri deiwa tympra yei thaw rep kamjooh da thang ki leh ya ki trep.
