Ptein i pyrchah ya ka Eco Sensitive Zone yong ka Narpuh Wildlife Sanctuary

Jowai: I thmu ka sorkar wow pynman ya ka Eco Sensitive Zone ha soodong ka Wildlife Sanctuary kawa em ha khloo Narpuh East Jaiñtia Hills District da pynmih ko boon i pyrchah na kiwa chong chnong kani ka thaiñ heiwa ynne ka 10 tarik ka Joint Action Committee kawa kynthup ya 18 tylli ki chnong hapoh i yahkhmat u Pardonwell Lyngdoh uwa man kam u Chairman ka JAC, u Chewanbiang Rymbai Secretary JAC hei emlang u MDC ka Elaka Narpuh u D. Pohshna, u MDC ka Saipung u A.H. Darnei da lai yachem ki ya ka D.F.O (Wildlife ) Jaiñtia Hills ka H. Lato yow pynsñiaw yei pyrchah hajrong ini.

Kiwa yahkhmat ka JAC da ong ki wa i daw wa pyrchah ki toh neidaw wa daw chah ktah i rep i riang ki paidbah kani ka thaiñ.

Ka DFO da pyntip ko wa kamwa man kattæ ym pu em chim ya ka rai wow ong wa kiwon ki bynta wow haap hapoh ka Eco Sensitive Zone yong ka Wildlife Sanctuary tangwa da yoh ya ka hukum naka yung bichaar wa ha khlieh dooh wa toh noh u booh sa ka Eco Sensitive Zone wei neiliang yong ki da chna ki ya ka proposal wow booh ya u pood u ang yong kani ka Eco Sensitive Zone wei da pyntip cha waroh ki 18 tylli ki chnong wa em hapoh ka Eleka Narpuh nadooh na Tongseng.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da pyntip chooh chooh leh wa hadien wa mih ini i pyrchah da rai wow chong pyrkhat yeini hapoh ka Eco Sensitive Zone Committee.

Ha kani ka sngi leh neiliang ka Elaka Narpuh da booh ki leh ya ka dorkhat wa pyrchah ya kani ka Eco Sensitive Zone kawa da soi da u Acting Doloi u A. Bamon, u General secretary ka Elaka u Jeremiah Dkhar ha ka D.F.O Wildlife Jaintia Hills, kawa dep wan booh ki ha khmat u u Principal Chief Conservation of Forest (Wildlife) ka sorkar jylla ynnin ka sngi.