Ynne da pynman ya ka yalang ha Khanduli BOP Assam heiwa da emlang u Deputy Commissioner ka West Jaiñtia Hills wa na West Karbi Anglong, kamjooh u Superintendent of Police ka WJH wa kiwi ki sahep na ki ar District.
Ha ka yalang da yaklam hajrong i eh i khor wa mih ha Khanduli heiwa da rai wa waroh ki ar liang u krehlang ki wow wanrah biang yei chongsuk ha ka thaaiñ Khanduli.
Da rai leh wow pynman ya ka yalang wow yaklam yasuk ka wow emlang ki Magistrate na ki ar District kamjooh na kiwa mihkhmat na ki Pnar wa Karbi.
Ynne ha ka yalang da em boon kiwa mihkhmat ya ki Pnar katwa na ka jaitbru Karbi rap duna ki neidaw wymtip ki wa em kam kani ka yalang.
Neidaw wa duna ki Karbi wa wan cha kani ka yalang, neiliang ki Karbi da ong ki wym ye ki wow chim kawon kawon ka rai heiyatoh wa ini.
Kamtæ da rai wow pynman biang ya ka yalang yasuk ha kini ki sngi wow wan wow ye u pynneh yei chongsuk.
