Ki warep ka South West Garo Hills yong ka Dimiligre IVCS Ltd da yahluti ki ya kiwi ki warep ka District deiwa sdang wow chalan ya u murit cha ka Company wa em ha Mumbai deiwa phah 11 Ton u murit ynnin ka sngi.
Ya ini da leh deiwa kyrchaan ka sorkar jylla hapoh ka MLAMP, Meghalaya Basin Development Authority yow thooh yaaw ya kini ki warep cha baar ka jylla.
Kani ka Dimiligre IVCS Ltd ym du wa da tipmit da ka sorkar tangwa da ka FSSAI leh kamjooh wei ini i khayi ya u murit toh cha ki bru wa biang yow lait nei chah thok iwa da pynmihsoh yei kreh chitom ki warep kamjooh ka sorkar wow yahluti.
Ya uni u murit wa em 200 churia da ye wow dai hei dor wa T. 450 chi kilo wei da thied da ka Sundardas Rathansey Spices Pvt. Ltd kawa em ha Mumbai.
