Ka Meghalaya High Court ha ka 17 tarik uni u bnai da pynkut ko ya ka mukotduma wa da yaleh da ka seiñ kiwa sikai SSA kawa tip kam ka Meghalaya Sarvashiksha Abhiyan School Association heiyatoh wow su ya ka tulop wa dang sah kiwa sikai SSA hadien wa u muktiar ka sorkar da khana u wa ka sorkar da pynbiang ko ya ka rukom su yow pynlait noh ya waroh ka tulop wa dang sah (Arrear).
Kani ka tulop kawa dang sah da man ko 8 bnai wei dapoi ko hadooh T. 47 klur heiwa daw su ya ka ha ki soo bynta nadooh u Naiynru uni u snem.
Kani ka tulop toh kawa neibynta u Naiynru 2016 hadooh u Thohlakhmi (Feb) 2017.
I rukom su ka sorkar ya kini ki soo bynta toh T. 1191.615 lak chi sien nadooh u Naiynru uni u snem, neitæ ka wa ar ha u Kmaichonglad (Dec) uni u snem, ka wa le ha u Naiynru 2024 wei kawa khaddooh ha u Kmaichonglad 2024.
