Da jan dep i chna ya ka Meghalaya Zoo

U Montri Rangbah ka jylla, u Conrad K Sangma ynne da lai pait u yei kreh wa dang lai chakhmat wow chna ya ka Meghalaya Zoological Park wa em ha Umtrew, Ri-Bhoi District kawa man kawa nyngkong kam kani ka jait Zoo ha ka thaaiñ wei ya u mooyurim da booh ha u Naichiphaw 2019 da u Conrad hi. 

Da chna ya kani ka Zoo deiwa yooluti wow pynboon ya kiwa wan uiñke suwari na kylleiñ ka ri wa ka pyrthai hi ha ki sngi wow wan. I wan kiwa uiñke suwari chapoh ka jylla da em ki 12.7 lak ngut ha u snem 2019 wei da yooluti wa i boon kiwa wanke cha ka jylla daw ku i cha ka 15 lak ngut ha u snem 2024.

Ya kani ka Zoo da chna hei thaw wa heh kamwa 72 Hectare iwa em ha Umtrew deiwa lut T. 35 klur wei hadooh wa katni da pynlut T. 21 klur.

Ha ini i lai pait u Montri Rangbah, da emlang ki sahep ka chnat Forest wei i kreh neibynta ka bhah wa nyngkong da man ko neibynta wow chna ya ki thaw sah ki mrad kiwa em 15 jait, ki thaw chongke kiwa wan paitke ya ki mrad, ki thaw baam, ka thaw sumaar ya ki mrad, ka thaw e baam, ka khyrdop wa kiwi kiwi.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

U Conrad Sangma da pynsñiaw u yei sñiawhun yei lai chakhmat ki kaam ki jaam deiwa ong, “Man i iwa hun sakhiat wow yoo ya kani ka Zoo wei daw ye u pyndep rap smat.”

Da pyntip u leh wa hadien wa pynbiang katkam wa emkaam ka sorkar pyrdi wa ki bor wa pynlai ka Central Zoo, daw ye u wai paidbah noh. Chooh chooh da ong u wa da booh ya ki thaw lai kjat, ki Ropeway, ki Park neibynta ki khynnah khian wa kiwi kiwi yow khriñ ya kiwa uiñ pyrthai.

U Montri Rangbah da phah u ya waroh ki sahep sorkar wow pynsmat ya ki kaam ki jaam khnang wow yoh yei tipmit na ka Central Zoo Authority (CZA) chwa ka 30 tarik u Naiynru 2023.

Kamtæ da kyntu u ya waroh wow kreh chitom u pynmankaam ya kani ka thong. Da e buit u leh ya ki bru ka thaaiñ wow booh ya ki dukan waphær wow dai ya ki maar baam, ki Souvenir wa kiwi kiwi ki tiar kiwa ye u pynka-it ya kiwa wan ke.

Ki mrad wa daw booh ha kani ka Zoo toh ki:

1. Barking Deer
2. Sambar Deer
3. Hog Deer
4. Serow
5. Jackal
6. Fox
7. Himalayan Black Bear
8. Jungle Cat
9. Civet Cat
10. Leopard cat
11. Leopard
12. Clouded Leopard
13. Hoolock Gibbon
14. Stump Tailed Macaque
15. Assamese Macaque