Booh thaw ka Larisa Lamin ha khliehdooh ya ka Adventist HS School haka HSSLC Arts

Ka chlem e sikai yong ka Balang Seventh-Day Adventist wa em ha Khliehtyrshi, West Jaiñtia Hills District kawa da tip katni kam ka North East Adventist University toh ka thaw e sikai wa em boon ki kyrdan puræ waphær waphær nadooh iwa khian dooh kam ka Nursery, Secondary, Higher Secondary, College hadooh University kawa da lai luti da ki boon phaw snem. Ynne ka sngi won da man ka sngi wow sah kynmoo pateiñ la pateiñ neibhah wa kawi na kiwa puræ haka kyrdan Higher Secondary School (Arts Stream) da booh thaw ko ha khliehdooh ya kani ka thaw puræ lyngba ka Result HSSLC 2023 wa da pynbna da ka MBOSE ynne ka sngi.

Ya kani ka khyllood da tip pyrtuid kam ka Larisa Lamin wa chong wa sah ha chnong Khliehtyrshi, da yoh psiah ko haka kyrdan wa nyngkong dooh yong ka thup Top 10 deiwa yoh yaka 450 ki Marks, neitæ da yoh Distinction haroh ko ha ka English, Political Science, Sociology, Education wa Khasi Subject. 

Hei yoh u yaklam wa kani ka khyllood ha kani ka thaw puræ yong ka ynne hi, da khana ko wym em poi pyrkhat ko u poi hadooh kani ka kyrdan, wei kam kawa da puræ nadooh dang khian ha kani ka skur,  pynsñiaw haroh ko i sñiawngooh ya kiwa sikai wa da emlang ki chirup wa ka hadooh wa poi ko ha kani ka thong. 

Da e mynsien haroh ko ya kiwi won kiwa para puræ wow man ki kiwa kreh chitom hanla hap maad yei eh i khoo, deiwa kynmoo nyngkong yow Blai, neibhah wa i kreh chitom wanrah ko yow soh i jop.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Khana haroh ko wa sñiawsuk bha ko ya ka Arts wei katwa em ko i thrang i angnood u man kam kawa sikai (Lecturer) kamtæ neini chakhmat leh daw pteiñ ko yei puræ BA English Honours ha kani hi ka thaw.

Ka Principal ka Adventist Higher Secondary School, ka Krostandiki Hauzel da pynsñiaw ko i kmen wa khroo neibhah wa kani toh ka sien wa nyngkong dooh ya kani ka thaw puræ u yoh yei kyrdan wa hakhlieh dooh hanla jooh yoh heh dooh ko ki Marks ha ki Subject waphær waphær.

Khana ko leh wa kani ka khyllood toh kawa poi bait chakhmat nadooh dang khian wei haka Result SSLC hanla ym poi ko haka thup Top 20 leh tangwa yoh Distinction won ko ha ki Subject waphær waphær.