Da pynlait paidbah ya ki kari kit mar rep kiwa yarap ka sorkar 50% ka Subsidy

U Montri Rangbah ka jylla, u Conrad K Sangma ynne da kaweh lama u wow sdang ya ki Prime Agriculture Response Vehicles ha MAMETI, Upper Shillong, hei emlang ka Secretary, Agriculture and Farmers’ Welfare Department, ka Isawanda Laloo wa kiwi ki sahep na ka chnat Agriculture.

U Conrad K Sangma hawa e yei klam da yaroh u ya ka chnat Agriculture kawa du ha ki kajiak snem da ye ko wow yarap ya ki warep kamjooh leh u pynku ya i kamai ki.

Da ong u wa kamwa 80% ha ka jylla toh ki warep kamtæ emkaam wow thooh chiboon ki laad yarap ya ki wei neiliang ka sorkar da sdang ko ya kiwa boon ki kaam wow e yarap. 

Heiyatoh wa ye i kaam rep wa i dai marbaam wow e kreh, da ong u wa 50,000 ngut ki khynroo man-u-snem da pyndep ki yei puræ puthi kiwa da sdang wow thooh kreh wei ka sorkar da ye ko u e kreh du ya kamwa 3000 ngut katwa kiwa tam nawon kreh ki wa ki bru samen namo ha ki thaw kreh ki bru samen, kamtæ hap i wow kyruiñ cha ka rep ka riang, ki kaam dai marbaam, ki kaam uiñke suwari wa kiwi de kam kini ki thaw wa e kreh. 

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Heiyatoh wa kini ki kari da ong u leh wa sa 200 tylli ki Prime Agriculture Response Vehicles daw e ha ka bynta wa ar. 

Hapoh ka Prime Agri Response Vehicles, 200 tylli ki kari daw e cha ki Cooperative Society, ki Self Help Groups, Farmers Producer Organization wa ki bru samen dei e ya 50% ka Subsidy. Kani ka Scheme da mang kyrpang ya ki thaw palatsor kiwa duna i em wa lai ki kari wei deiwa em kini ki kari daw ye u pynsmat u kit ya ki mar yong ki. 

Ynne 20 tylli ki Prime ARV da saam cha ki Integrated Village Cooperative Society na Khasi wa Jaiñtia Hills. 

Ha kani ka sngi da pynlait keh ya ki Apps neibynta i rep i riang wa tip pyrtuid kam ka CROPSAP, Crop Pest Surveillance & Advisory Project, ki WEB wa Mobile Application neibynta wow pait yei chah baam khñiang ki mar rep namo ka Crop Pest Surveillance, ka Advisory Project Management System, ka Horticulture Hub MIS Application yow pait yei dai i thied ya ki mar rep, ki App wow e sikai ya ki warep, kiwa booh yukheiñ yeiwa da dai, kiwa booh yukheiñ ya ki mar wa dang em, ka MEGAMB, Meghalaya State Agriculture Marketing Board, Meghalaya Farmer App deilang waka MAMETI Website.