I awri haprydi ki Karbi wa ki Pnar jia i dei langær khamtam ha kini ki tayaaw wa ki bnai wa dadep tangwa ynne ka sngi ka Jaiñtia Students’ Movement (JSM) da yachem ko wa ka Karbi Students’ Association (KSA) ha Karbi Hemtun, 6th Mile Guwahati wow yaklam yasuk haprydi ki ar jaitbru ha khappood.
Ha kani ka yalang ya ka JSM da yahkhmat da u Leningrad Rymbai uwa man u President yong ka, katwa ya ka KSA da yahkhmat da u President, u Jemson Timung.
Ha ka yalang da phyllu yumut bha kammon wow wanrah ya i chongsuk ha khappood ka Meghalaya wa Assam ha ki chnong wa chong chnong kini ki ar jaitbru.
Ha ka yalang da sñiawkmen kiwa chimbynta heiyatoh wa i chimkhia ka JSM waka KSA wow wanrah ya i chongsuk ha ki thaaiñ khappood ka jylla wa ka West Karbi Anglong iwa da ktah bha ya i chongsuk haprydi ki ar jaitbru.
Da ong wa ki Pnar wa ki Karbi da em ki ya i yajan para ki nadooh ki por nachwa wei emkaam wow pteiñ yeini waroh.
Kamtæ da rai wa ka JSM waka KSA u kreh ki chirup wow wanrah yei chongsuk kamwa jooh man ha ki por wa nachwa.
