U Montri Rangbah ka jylla, u Conrad K Sangma ynne ka sngi da thoh u cha u Montri ka Education, Skill Development & Entrepreneurship ka sorkar pyrdi, u Dharmendra Pradhan wow kyrpaad yow tuklar wut-wut hajrong i eh i khor wa chem ki khynnah puræ hapoh ka jylla neibhah wa hap lai thoh ki ya ka CUET Exam cha baar jylla kam cha Ranchi, Jharkhand, Jorhat, Dibrugarh, Kolkata wa kiwi ki jylla kiwa jngai na ki chnong yong ki iwa daw ktah ya ki khynnah wa ki manbei manpa deiwa ong wa bha wow em kini ki thaw thoh Exam chajan ki thaw sah.
U Conrad da ong u wa ya ki Admit Card da e ha ka 14 tarik katwa ka Exam wow chong ki ya ka CUET toh ha ka 16 tarik uni u bnai iwa daw pynchitom ya i pynkhreh wow lai wa kamjooh ki thaw sah ya ki khynnah.
Da ong u wa ini ini i rukom pynkhreh ka National Testing Authority (NTA) daw pyndooh ko yei hok ki khynnah wow puræ cha kiwi ki skurbah ha kylleiñ ka ri.
Chooh chooh da ong u wa da dep kyntu ya ka NTA wow booh ya ki CUET Centre ha waroh 12 District ka jylla ha ki thaw wa da em ki thaw pynman Exam.
Kamtæ da kyrpaad ya ka NTA wow chimkhia ko yeini wut-wut khnang wow myntoi ki khynnah ka jylla.
