Hadien wa ynnin sngi da oor khyndaw ha Sonapur Tunnel, wei da ye leh wow pynkhooid yei ktieh, ki moo wa ki khyndaw wei da yoh leh ki kari wow lai wer-wer chiliang chisien.
Ynne won i step ka 15 tarik da oor khyndaw biang ha i jooh i thaw iwa da pynsahkut biang yei lai i wan ki kari heiwa da em leh kiwa da sahkut hei ktieh ha i khyndaw wa joor wa da tlor. Ini da man ko leh ka sien wa le heiwa nyngkong da oor khyndaw ha ka 11 tarik iwa da man leh kattu la le sien hapoh chi tayaaw.
I sahkut ki kari toh iwa da jrong bha nadooh ki Bus, ki Truck wei kamjooh leh ki kari khian.
Kam wow pykynmoo wa u DC ka East Jaiñtia Hills da kyntu u ya ki paidbah wow yait nei pynemkaam ya uni u sarok ha kini ki por wa joor slap wei lada pynemkaam wow rah lang waka um deilang wa ki baam.
