I pynbait pood, i tipmit ya ka ktien Khasi ka tulop ki wakreh iwa hakhmat, ong u CEM thymme

U CEM wa thymme ka KHADC, u Pyniaid Sing Syiem da ong u wa ki kaam wa hakhmat dooh ya ka Executive Committee (EC) wa yahkhmat da ka NPP toh yow booddien yow yoh yei tipmit ya ka ktien Khasi hapoh ka Eighth Schedule, ki kaam pynbait pood, i yada ya kiwa sah ha khappood wei yow pynbha pynmiat ya i kaam poisa poilaiñ ka KHADC khamtam neibynta ki wareh wa i pynkylla ya ka Sixth Schedule hapoh ka Constitution.

Hawa yaklam wa kiwa thoh khubor ynne ka sngi, u CEM da ong u wa iwa hakhmat dooh yong ka EC wa thymme toh yow booddien yei yaklam pynbait pood hapyrdi ka Assam wa Meghalaya. Iwa ar toh yow pait kammon man i pynbait yow pynkylla ya ka Sixth Schedule lyngba ka 125^th Amendment Bill, 2019.

Sa iwi wow chimkhia toh yow pynbha yei kaam poisa poilaiñ ka Council khamtam ya ki wakreh yow yoh tulop tista ki wei daw yaleh katwa ye yow pynbha yei yoh i laa ka KHADC.

U CEM da ong u leh wa ka EC daw booddien ki ya ki Bill wa da mynjur ka KHADC kiwa da phah cha ka sorkar yow yoh mynjur na u Lat.

Related posts

Da chna ya ka Committee wow pynsuk u yohbor yow tih moo tih chyiap

November 22, 2024

Lai bait ki kreh kam chibynta ka Shillong Smart City kiwa dapoi palat Rs. 300 klur

November 22, 2024