Uwa e ktien ka seiñ BJP, u Mariahom Kharkrang ynne ka sngi da ong u wa i klam u Congress State President uwa man leh u Shillong MP, u Vincent Pala wa da pynkreh ki wow kreh wa ka sorkar MDA-II ymtoh iyi iyi tangwa i wow yoh donhi u mih khubor.
Da ong u wa da tip kiwa boon wa ka Congress toh ka lieñ wa da ngam ha Meghalaya wa ha waroh kawi ka ri neibhah ya ka Congress ym em de kiwa ye wow pynlait im ka wei man ko kam i dawai wa kthang wym em wa ye u ngooid katwa kamtæ ym em ki ha ka MDA-II.
Da ong u leh wa ini i klam u heh ka Congress toh wow pynkhihwin ya ki paidbah neibhah wa ka Congress tieñ ko ya ka BJP kawa katni da yoh ko yei burom ha ka pyrthai khamtam ya u Prime Minister.
Da kdaw u leh wa ka Congress toh ka seiñ kawa em chiboon ki kaam baam tooh kamtæ ym sñiawthooh iyi mut manda yoo ki ya ka sorkar kawa synchaar deiwa khooid kamtæ da yimphoo ko wa kiwi daw ieh ki ya ka BJP yow lai noh cha ki wei ini toh iwa kheiñke ya ki sorkar synrop.
“Ki paidbah ka jylla da tip che ki wa ka BJP toh kawa khlan wa skem ka lok hapoh ka sorkar MDA-II kawa pynkhlanbor yow lai chakhmat deiwa wanrah ya ki Policy kiwa man neibynta ki paidbah wow yoh ya ki kaam pynroi heijooh i por kawa ye leh wow pyntikna wa i bhah wa e ka sorkar pyrdi poi ki cha kiwa toh u yoh myntoi,” da ong u Maraihom Kharkrang.
Puræ leh: Neibynta ka Sixth Schedule lai krehlang ka Congress waka NPP: Vincent Pala
