Kamwa jooh leh khlieh snem, ha uni u snem leh ki Seiñkur waphær waphær da pynman ki ya i pynkhooid yonglang ha jar jiar ki Tpep yong ki chwa wow wan ka lehniam Behdieñkhlam.
Kamtæ ynne ka sngi ki khon ka kur Passah da pynkhooid ki ya i Tpep ka kur wa em ha Chutwakhu, Jowai.
Ya ini i pynkhooid da pynman neibynta wow pdiang burom ya ka Behdieñkhlam khamtam wow pdiang ya u Trekirot wa ki Sangia Saret kiwa daw wan pait wan yoo ha kini ki Soo Sngi Le Yaaw yong ka Behdieñkhlam.
Ya ini i pynkhooid ya ka Tpep da chimbynta ka-it mynsien da ki khon ka kur.
