Ynne i miet yong ka 25 tarik da yoh yutip wa ki chipai ka BSF kiwa pait ya u khappood ka chnong Dawki da siat kuli ki cha suiñ yow pynpra ya ki paidbah na katai ka thaw.
Katkam ka khubor wa da yoh da khana wa ini da jia ha ka thaaiñ Lad Umsyiem ha sarok Kongwang marjan wa ka yingkieñ Dawki.
ADVERTISEMENT
Ini i jia da jia hadien wa da pynbaad wa ki chipai BSF kiwa wa sonteri ya katai ka thaaiñ da pynthut ki yei lai i wan cha Dawki, iwa da pynman ya ki paidbah wow lai toor cha ka liang wa em ki BSF, wei neidaw wa ini i lai toor ki paidbah kiwa da chrai yei leh ki ki BSF, kitai ki chipai BSF da siat boon kuli ki cha suiñ wei ha i ya yut wow yada nei jia iwon iwon, da em ki bru paidbah kiwa da mynsoo.
