Ki kattu katni ngut kiwa kreh mylla hapoh Ri-loom Jaiñtia da mih ki chaphrang ynne ka sngi wow seiñ thymme ya ka All Jaiñtia Labour Union (Organised and Unorganised Labourer) ya kawa da dep wow Register hapoh ka Meghalaya Societies Registration Act 1983 ha ka yung krehkaam u Joint Registrar of Society ha Jowai, West Jaiñtia Hills District wei kani ka Union u krehkaam ko ha waroh ki thaw ka Ri-loom Jaiñtia (East wa West Jaiñtia Hills District).
I thmu hawa seiñ ya ka Union em ki chiboon tang iwa kongsan dooh toh wow ap yei eh i khor wa chem ki kiwa im ja- kpoh wow pyndap pynbiang ya waroh iwa emkaam ka yung ka sem du nei mylla sngi.
Iwi won i bynta toh hajrong i yoh laitlan ki bru na baar wow psiah wei wow kreh hapoh ka District kawa da pynman ya ki bru yong i u chem chitom ha ki thaw wow yoh kreh mylla.
Ka seiñ da ong ko wa em chiboon ki kaam kiwa hap wow lai katkam ka aiñ hawa wan kiwa khih mylla kiwa na baar khamtam kiwa wan pyrchah ya ka aiñ wei emkaam wow kdoh u khoom yeini khnang wow wanrah i myntoi ya kiwa kreh mylla (Tribal & Non-tribal) ha waroh ki liang.
Chooh chooh daw pynsñiawthooh ya kiwa kreh mylla hajrong i emkaam waroh wow lehkhooid yow yoh yei chait i khiah, wow yada ya ka rym-aw wa kiwi kiwi.
Da kani ka wyrta ka Union khut ko ya waroh kiwa kreh mylla (Organised & Unorganised Labour) wow yachem ya kiwa kitkaam ka seiñ hawa chem ki yei eh i khor khnang wa ka Union u ye ko u yarap ya ki.
Kiwa kitkaam ka AJNU man ki kamni hawah:
President: U Kyrmen Siangshai
Vice-President: U Chandame Sungoh
General Secretary: U Shaphrang Pajuh
Joint Secretary: U Lewaphi Sutnga
Finance Secretary: U Miju Sutnga
Member: U Kwel Lakiang
Adviser: Pramod Jain, wei da jied leh kiwi de ki dkhot.
