Ka Meghalaya toh kawa pynkrehkaam yei sumaar wa pait nadong chadong: Ampareen

Ka Montri ka chnat i chait i khiah, ka Dr. Mazel Ampareen Lyngdoh da lai chimbynta ko kam ka kongsan ha ka rynsan wa tip kam ka ‘The Economic Times Best Healthcare Brands 2023’ kawa ynru kawa da pynman ha nongbah Delhi haka 29 tarik u bnai wa dep heiwa da klam ko hajrong i bynta wow pyntikna i yoh myntoi toh iwa suk wei hei dor wa biang. 

Ha katai ka yalang da wan wow chimbynta lang leh da u Vishal Chuahan, Joint Secretary ka chnat i chait i khiah yong ka sorkar India, u Dr. K. Madan Gopal, National Health Systems Resource Centre, yong ka chnat i chait i khiah ka sorkar pyrdi najrong kiwi ki sahep.

Ka Ampareen hawa e yei klam da ong ko wa ka jylla Meghalya da pynkrehkaam ko yei rukom sumaar kawa pait lut nadong chadong neibynta kiwa chong chnong kiwa em ha ki kyrdan waphær waphær ha i yoh i kot.

“I bynta wa i booh i hakhmat man ko leh wow pynlai yumut ym du hei e sumaar tangwa khamtam dooh wow pynsñiawthooh u pynche ya ki paidbah. Lyngba ka Meghalaya Health and Insurance Scheme, ka jylla yong i da pyrchang ko wow pynpoi yei myntoi cha waroh ki bynta yong ka imlang sahlang. Ka Meghalaya toh kawi na ki jylla ha ri India kawa da em yei chimkhia yei heh i san yong ki khynnah lyngba ka Early Childhood Development Mission, kawa da pynlait paidbah ha u 2021, kawa booh thong wa ki khynnah u yoh ki yei sumaar kawa paka, i baam i dih wa waroh iwa emkaam hawa dang em ki ha kitai ki rta. Ka Meghalaya toh ka jylla kawa dang 51 snem wei i hap i wow lum rap boon ki yutip na kam kini ki rynsan,” da ong ka Ampareen.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da yaroh ko leh yei kreh borbah kiwa em ha ki kaam i chait i khiah wei da chim ko ya ka kabu wow e khublei ya waroh ki Doctor kiwa da kreh chitom wow e lut neibynta i chait i khiah deiwa kynmoo yei por wa ktah ka khlam COVID.

Najrong i e khusnaam da em leh i ya syllok waka rynsan yatai hajrong ka phang pyrdi wa kammon u yoh yei sumaar wa paka katkam ka juk katni hei lut wa rap duna deiwa pynemkaam yei stat Artificial Intelligence yow ye u pynkrehkaam pura ya kitai ki thong hapyrdi i duna poisa wa i eh yow ye u wanrah yei kylla.