Ka Society of Urban and Rural Empowerment (SURE) ynne da lehkmen ko yei wan ka lehniam Behdieñkhlam chirup wa ki wakreh kamjooh ki dkhot ka seiñ ha H.K. Singh Memorial Secondary School, Jowai.
U Rev. Dr. H.H. Mohrmen uwa man u Secretary ka seiñ da ong u wa kam ka seiñ em ko ya ki dkhot kiwa wan na kiwa boon ki ngait niam.
Neiliang, u K. Pakma uwa man u President ka SURE da ong u wa ki yurim wa yieñ ka Balang Unitarian kawa kyrchaan ya kani ka seiñ toh deiwa burom ko ya waroh ki niam kamtæ da lehkmen ya ka Christmas, Behdieñkhlam wa ka Unitarian Anniversary man-u-snem.
Ynne ka sngi u Kamnipaia Challam uwa man u dkhot ka Seiñ Raij Jowai da batai yillu u chaphang kani ka lehniam Soo Sngi Le Yaaw. Hadien ini da yoh leh ya i ngooh i dem.
Neiliang ki wakreh wa ki dkhot ka SURE ynne da sñiawthooh ki chaphang ka Behdieñkhlam wei da ah leh ya u Cake kam chibynta wow pdiang ya kani ka lehniam.
