Ki yalehke ka 7th Invitation Wahiajer Football Tournament 2023 wa pynlai da ka Wahiajer Sports Club ha Wahiajer da pteiñ biang ki ynne ka sngi heiwa ka Rympei FC da jop ko yaka Salini Colony da 5-3 deiwa yachut Tie-Breaker.
Ka yalehke hadooh wa kut i por da yoh u thap mar ar kool heiwa ya ka Rympei da yoh u thap da u Lowell Joy Lyngdoh haka minit wa 41 wa u Dawandap Pura Biam Pathaw haka minit wa 54, katwa ya ka Salini Colony da yoh thap da u Banker Muksor haka minit wa 48 wa u Badki Sumer haka minit wa 60.
Yei naam Man of the Match da yoh rah da uwa yalehke u Rympei u Dawandap Pura Biam Pathaw.
Ka yalehke wa bood u pynman ha kni ka 6 tarik hapyrdi ka Ranee FC waka Mawryngkneng Mission.
