Ynne i step heipor 11:00 waje, kawi ka kari Alto K10 wa em Number ML-04B-1269 wa yah da u Khrawbor Nongsiang uwa na ka chnong Mawlyngdep, West Khasi Hills da noh ko cha synrang wa yillu kamwa 200 phut heipor wa knieh yow lai chakhmat kawi ka Truck ha i thaw wa em chwa u poi ka chnong Keniong deiwa wan ki na Nongstoin yow lai cha chnong Nongjri.
Hapoh kani ka kari da em 9 ngut ki bru heiwa u Kalbinus Nongbri uwa na ka chnong Amarsang uwa man leh u pa yong ki khynnah wa em hapoh kani ka kari da khlaad noh u pyn ha ini i thaw wa jia neidaw wa mynsoo joor u.
Ya kiwi ki 8 ngut kiwa mynsoo da pynkit cha ka Mawkyrwat CHC da ka kari 108 wei hadien won da kit ya 5 ngut cha Shillong.
Kiwa mynsoo toh u Khrawbor Nongsiang (22 snem) uwa na Mawlyngdep, West Khasi Hills, u Marius Nongbri (70 snem) uwa na Mawlyngdep, ka Merilin Nongmin (40 snem) ka kurim uwa khlaad kawa na Amarsang, South West Khasi Hills.
Kiwi de kiwa mynsoo thoh ki khynnah kitæ ka Dariti Nongmin (4 snem), u Ribanson Nongmin (8 snem), u Erick Nongmin (10 snem), ka Rikormary Nongmin (7 snem) wa u Micheal Nongmin (5 snem) kiwa man ki khon uwa khlaad.
Ya uwa khlaad dang booh ha ka Morgue ka CHC wei dang pynman yei takit da ki pulit ka Mawkyrwat.
