I kem drugs hapoh ka jylla Meghalaya da pteiñ i wei ha kani ka kynti hei janmiet ka 30 tarik u Naiynru, ki pulit ka Ri-Bhoi da yoh ki wow kem ya 3 ngut kiwa khayi drugs.
Kini ki 3 ngut toh kiwa tip kam u Ronand Kyndiah, u Daniel Syiem kiwa na Lower Mawprem Shillong wa u Thokchom Naba Singh uwa na Kangmong, Imphal West, Manipur.
Ki pulit hadien wa da tip ki wa kini ki 3 ngut da yachem ki yow ya dai ya thied drugs ha kawi ka Farmhouse wa em ha chnong Lumkeini, Umran, Ri-Bhoi, neiliang ki pulit da pynsangeh kari ki ha Umsning Bypass ha u sarok NH06 wei da ksoh ki ya kawi ka kari Alto (rong yong) wa em u Number ML-05K-0314 wa em u Ronand wa u Daniel hapoh.
Nyngkong kini ym bien ki wow khana heiwon em ini i drugs tangwa hadien wa da kem wei da kset ya ki da khana ki wa u Thokchom Naba Singh toh uwa pynyoh drugs ya ki wei uni toh uwa da lai luti cha Guwahati.
Kamtæ ha kani hi ka sngi da pynsangeh kari ki pulit sa hajan ka Byrnihat Outpost heiwa da yoh u kem ya u Thokchom Naba Singh.
Kini da phla ki wa yei drugs da booh ha ka Farmhouse hi wa em ha Lumkeni kamtæ ha ka 1 tarik ki pulit ka Ri-Bhoi deilang waka K9 Dog Squad da chem ki ya ka synduk wa em 70 tadong ki khieh sabon wa em i Heroin wa chongdor T. 5 klur.
