U Montri Rangbah ka Meghalaya, u Conrad Sangma ynne hawa yachem wa u Education Minister ka sorkar pyrdi, u Dharmendra Pradhan ha Delhi neibynta ki khynnah ka jylla kiwa yaleh ya ka CUET, da kyntu u na u Montri wow phah ya ka Ministry of Education waka NTA yow pynman ya ka CUET Exam wa kyrpang neibynta ki khynnah ka Meghalaya kiwa da dooh u yaleh ya kani ka Exam neidaw wa booh thaw thoh Exam ya ki cha baar ka jylla.
U Conrad da pyntip u wa da dep kyrpaad ya ka sorkar pyrdi wow booh 12 tylli ki CUET Centre ha waroh 12 tylli ki District ka Meghalaya ha ki thaw wa man kiwa biang wow man kam ki CUET.
Tangwa ya katni da emkaam jhan wow booh CUET Centre ha Shillong, Tura, Jowai, Nongstoin wa Williamnagar kiwa daw pynsuk leh ya kitu kiwa em cha kiwi ki District chajan.
Chooh chooh da khana u yei chem chitom ki Teacher Training Institution wa em hapoh ka jylla nadooh wow Upload ya ki kot ki sla katkam wa da phah da ka NCTE neidaw wa ka Website ka NCTE em ko boon i thut.
