Da: U Soolangki D. Laloo Loomkyrwiang, Jowai
Tiap tiap kini de dapoi ki
Kitæ ki Le Yaaw Ki Soo Sngi.
Yei man i sñiaw ki khon ka Ñiamtre wa kynreh
Wa datoh i por i samooid u tayaar u khreh
Nadooh na yung na sem hadooh ha Raij ha chnong
Sarin ki kaam niam wa pynthiah pynchong
Yei burom u Trekirot ki Blai ki Syiem u pynkhroo
Hakhmat ka pyrthai yei man sarot ka niam u pynyoo
Ki Yung Walieh wa ood wa thai,
Dei sur ka bom ka bhuri wa sñiaw kynjai.
Pyn tympang ki yei man ka chnong ka thaw
Wa da jan poi ki sngi da poi ka tayaaw
Chaad Ñiam Behdieñkhlam wa da yoh kynsai
To pyndep hok dei tipbru tipblai.
Chaad kmen ka-it, hei mon i khe u Trekirot
Yow yoh phi i kyrkhu khyrdoh iwa sarot.
