Ym em booh ya ka ktien Khasi wa Garo ya kiwa yaleh NCET, thoh u Conrad cha ka sorkar pyrdi

U Montri Rangbah ka jylla, u Conrad Sangma da thoh u cha u Montri ka sorkar pyrdi wa pait ya ka chnat Puræ Puthi, u Dharmendra Pradhan ynne yow pyntip cha oo wa kiwa lai puræ ka Meghalaya ym ye ki wow yaleh ya ka Language 2 ka Section 1 (33 Languages) neibhah ki jait ktien wa da booh wow yaleh Exam kam ki Optional Languages ym em kynthup ya ka ktien wa klam hapoh ka jylla katkam wa da booh hapoh ka Section 1 Language hapoh i pynbait da ka National Test Agency (NTA).

“Ini da wanrah ko yei wym hun ym du ya kiwa daw yaleh Exam, kamjooh leh ki bei ki pa wa ki thaw puræ,” da ong u Conrad.

Ha ka chithi wa da thoh, da kyrpaad ya u Montri wow phah ya ka NCET wow kynthup lang ya ka ktien Khasi, Garo wa Alternative English ha kani ka thup yow ye ki khynroo khyllood ka jylla wow jied ya ka ktien wa ye ki wow thoh Exam yow lait ki wow dooh yei hok yong ki.

U Conrad da ong u wa ini i kaam toh iwa khia bha neibhah kani toh man ko kam chibynta National Common Entrance Test ya kitu kiwa lai puræ Integrated Teachers Education Programme namo ka B.Ed kawa daw pynman da ka National Test Agency (NTA) iwa da pynbna kyndon ha ka 26-06-23.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

“Toh u booh leh ki yukylli (Additional Questions) hapoh ka Section 1 Language, yow lait ini i jooh u jia ha ki por wa daw wan,” da ong u Conrad.

U Conrad da phah u ya kani ka chithi hadien wa ka chnat Puræ Puthi ka jylla haka 30-06-23 wa ha ka 10-07-2023 da thoh ki cha ka National Council for Teacher Education (NCTE) hajrong ini i jooh i kaam.

Ka National Common Entrance Test (NCET) 2023 toh kawa da yabhah ha ki soo bynta wei ha ka Section 1 (Languages) da em 33 tylli ki jait ktien heiwa da hap wow jied ar tylli ki jait ktien iwa mut wa ye u jied ya ka English wa sa kawi ka jiat ktien tangwa ym em ka Khasi næ Garo kamjooh ka Alternative English tangwa em kiwi ki ktien nadooh ka Bodo, Chinese, Manipuri, Nepali, Russian, Spanish, French wa kiwi kiwi de wa ye u jied najrong ka English, Hindi, Assamese, Bengali wa kiwi de wei yeini i pynbna ka NTA ye phi wow pait heini.

Puræ leh: Da khut ya kiwa kwah u yaleh Entrance Test neibynta ka B.Ed