Mih yakhih ka HYC, kular wot u Prestone wow yah ya ki Montri sorkar cha Delhi yow dawa ILP

Hadien ka yakhih wa syndet yong ka seiñ Hynniewtrep Youth Council (HYC), neiliang u Symbood Montri Rangbah, u Prestone Tynsong da kular u hakhmat kiwa yahkhmat ka seiñ wow lai syndon da waroh ki Montri sorkar namo ka Cabinet yow thooh ya ka Resolution wa da chim da ka jylla yow dawa pynkrehkaam ya ka Inner Line Permit (ILP), i dawa tipmit noh ya ka ktien Khasi hapoh ka 8^th Schedule wei kamjooh yow thooh leh ya ka Meghalaya Residents Safety and Security Amendment Bill, 2020.

Ya ini da pyntip da u General Secretary ka HYC, u Roy Kupar Synrem hadien i yachem wa u Symbood Montri Rangbah ynne ka sngi wa yeini daw leh deiwa yah ya ka Cabinet cha Delhi hapyrdi ka Dorbar Lyiur ka Parliament.

Hawa kylli, neiliang uwa yahkhmat ka HYC da ong u wa ka seiñ sñiaw ko wa ka MRSSA dang rap bha wow pynkrehkaam hapoh ka jylla neibhah da em lut ki kyndon kam ka ILP wow yada nei chah tlep ha ki bru kiwa na baar, wei chooh chooh da ong wa ka MRSSA toh ka aiñ yong ka sorkar jylla ya kawa ye u pynbha næ pynkylla ha iwon iwon i por wa emkaam, katwa ka ILP toh ka aiñ aiñ yong ka sorkar pyrdi wei lada hap wow pynkylla daw hap wow leh lyngba ka Parliament.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025