U Montri Rangbah ka Meghalaya, u Conrad K. Sangma ynnin da lai pait u yei kreh ya u sarok Mairang-Ranigodown-Azra Road, u sarok wa emkaam bha wa man leh kam sa uwi u sarok wow lai cha Guwahati wei kamjooh cha ka Guwahati Airport na Mairang.
Uni u sarok toh uwa pynyabi ya ka Eastern West Khasi Hills waka Ri Bhoi District yow lai cha Guwahati wei lada jia wa u sarokbah NH-06 wa lai cha Guwahati lyngba ka Jorabat wa Nongpoh sahkut ku, ye wow pynemkaam noh da uni u sarok.
U Conrad da ong u wa nadooh wa man u kam uwa yahkhmat ka liang pyrchah hapoh ka Meghalaya Legislative Assembly ha u 2010-11 da ban joor u yei emkaam wow chna ya uni u sarok yow pynsuk yei lai i wan neibhah emkaam sa uwi u srok wow pynyabi ya ka Shillong.
Kamtæ da ong u wa ha u 2018 hadien wa da yoh u wow chna sorkar da chimkhia wow pynchna ya uni u sarok wei da sñiawkmen u wa ya uni u sarok da ye wow pyndep noh heiwa ynnin da yoh u wow lai pait ya uni u sarok neibhah uni u sarok man u leh kam ka kular Election.
Chooh chooh da ong u wa wa deiwa em uni u sarok daw mih leh ki chnong wa thymme neibhah uni u sarok toh uwa yei u lai chadooh Guwahati Airport iwa daw yarap wow mih kiwa boon ki jait kaam wa thymme wa ye ki bru u sdang.
Discussion about this post