Ka 3rd Division wa tip leh kam ka 3rd U Adelbert Laloo Memorial Trophy wa pynman da ka West Jaiñtia District Sports Association (WJDSA) da pteiñ biang ya ka ynne ka sngi da ar tylli ki yalehke.
Ha ka yalehke wa nyngkong, ka Mookymphad Mihmyntdu da jop ko yaka Saindur Mihmyntdu da 2-1.
Ya ka Mokymphad Mihmyntdu da thap kool da u Wailad Shylla haka minit wa 31 wa u Haphilabet Ryngkhlem haka minit wa 34 katwa ya ka Saindur Mihmyntdu da thap kool da u Khlur Phawa haka minit wa 12.
Ha ka yalehke wa ar, ka Pateinki Sabah da jop ko yaka Mupliang da 2-1.
Ya ka Pateinki Sabah da thap kool da u Lakhon Dhar haka minit wa 53 wa kawi ka kool wa da thap bakla da uwa yalehke ka Mupliang, u Kermi Dkhar haka minit wa 58 katwa yaka Mupliang da thap kool da u Byforce Star Dhar haka minit wa 35.
Mynstep daw pynman ar tylli ki yalehke kiwa daw sdang da ka Pasyih Cultural waka Mookaswan Dongwah heipor 10:30 i step wei daw pynbood daka Mukhla Umlangchor waka Loompyrdi Iongpiah heipor 12:00 waje pyrdi sngi.
Discussion about this post