Ka Independence Day Cup Under-17 Football Tournament 2023 wa pynman da ka West Jaiñtia District Sports Association (WJDSA) da sdang ko ynne ka sngi heiwa da em 23 tylli ki liang wa da wan wow chimbynta ha kani ka lympung yalehbol.
Ynne ka sngi sdang da pynman ar tylli ki yalehke heiwa ha ka yalehke wa nyngkong, ka Dongmihsngi da jop ko yaka Lumchyrmang Mihmyntdu da 2-0 da ki kool wa thap u Robert A Tang haka minit wa 2 wa u Modify Sutnga haka minit wa 60.
Ha ka yalehke wa ar da pynman hapyrdi ka Mynthong waka Pynthor Youth Social Welfare heiwa da jop ka Mynthong da 2-0 da ki kool wa thap u Decently Talang haka minit wa 12 wa u Batskhem Dkhar haka minit wa 14.
Mynstep daw pynman biang ar tylli ki yalehke kiwa daw sdang da ka Ladthadlaboh waka Salaroh heipor 1:30 i sngi wei daw pynbood daka Khimusniang waka Catholic Youth heipor 3:00 waje i sngi.
Discussion about this post