Booh thong ka sorkar wow em 1 lak ngut kiwa ri ngap

U Montri Rangbah ka jylla, u Conrad K. Sangma da chimbynta u ha ka yalang wa ar sngi hapyrdi kiwa embynta wow kyntu kynrong ya ki kaam ri ngap hapoh ka thaaiñ North East deiwa emlang ki heh sorkar, kiwa hikai wa ki bru chemphang ha i kaam ri ngap kam u B.K. Sohliya, Executive Adviser, Meghalaya Farmers’ Empowerment Commission (MFEC), u Dr. Ashish Lele, Director, CSIR-National Chemical Laboratory (NCL), u Dr. Arun Kumar Sarma, Director General, North East Centre for Technology Application and Reach (NECTAR), u K.N. Kumar, Chairman, Meghalaya Farmers’ Empowerment Commission (MFEC) wa u Dr. Avinash Chauhan.

Kawi na ki bynta wa kongsan yong kani ka yalang wa da pynman ha State Convention, Shillong toh wow soi yaka soskular namo ka Memorandum of Understanding (MOU) hapyrdi ka MFEC waka NECTAR, da i thmu wow ya krehlang wei wow kyrchaan wei pynku ya ki kaam ri ngap ha ka jylla.

U Conrad hawa e yei klam da ong u wa kam kani ka yachemlang kawa heh kawa da embyntalang da kiwa boon kamni ym jooh em pynman ha North East deiwa emlang ki bru chemphang nadooh ki Scientist hadooh kiwa ri ngap wa kiwa seiñ khih dei yong ki hi kiwa embynta wow kyntu ya ini kam.

U Montri Rangbah da klam u leh hajrong i jop ka “Lakadong Mission” iwa da pynyoh kreh ya ki manbei, ki warep wei deiwa pynemkaam da ka juk wa katni da ye wow pynmih hadooh 15 chah ya iwa ye u pynmih iwa yarap ya kiwa chong chnong wa em cha ki thaw wa jngai na sor.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Da ong u leh wa da boon kiwi ki kaam wa da sdang ka sorkar yow yarap ya ki warep nadooh ki e sikai, u pynbiang ya ka yaaw ka haat wei deiwa soi ya kani ka soskular daw ye u sdang ya ki seiñ wow krehkaam deilang waka NECTAR, kawa daw pynmyntoi chiboon ya kiwa ri ngap ka jylla.

Chooh chooh da ong u wa ki kaam ri ngap ym pu em da pynlai yumut bha ki wei deiwa sdang katni wei deiwa e yarap da ka poisa da booh thong wow em 1 lak ngut kiwa ri ngap ha Meghalaya.

Kamtæ da khana u wa ka sorkar Meghalaya da mang ko wow pynlut hadooh T. 54 klur neibynta kini ki kaam ri ngap, wei da pyntip u leh wa da em 48 tylli seiñ wa ri ngap ha waroh kawi ka jylla, wei da em leh 4000 ngut kiwa da yoh myntoi heiwa uwi pa uwi da yoh yarap poisa ki hadooh T. 70,000 yow ye ki u pynheh pynsan ya ki kaam ri ngap wei da saam leh 20,000 tylli ki ksiñ ngap cha ki.

Najrong ini waroh, da em lah ka Integrated Bee Development Centre ha Sambrak, North Garo Hills kawa man kam ka thaw wa kongsan wow e kyrchaan hawa yatoh wa ki kaam ri ngap.