U Montri Rangbah ka jylla Meghalaya, u Conrad K Sangma da pyntip u wa ka jylla daw em noh ko ya uwi u Commissioner of Police wei da ong u wa ini i em u heh pulit ha katai ka kyrdan man ko kam wow pynkhlan ya ki pulit ha nongbah Shillong khamtam wow pait yei lai bait ki aiñ ki kanun wa i suk i saaiñ.
Neiliang u Montri Rangbah ynnin ka sngi hawa saam u ya ki chithi thung kreh cha ki pulit wa en 1010 ngut kiwa dang pyndep yeiwa emkaam yow man noh kam ki pulit wa thymme ka jylla ha ki kyrdan waphær waphær heiwa ya kani ka yalang wow pdiang sñiawbha wei wow e mynsien da pynman ha ha Shillong International Centre for Performing Arts & Culture (SICPAC).
Hawa e yei klam ha katai ka yalang, u Conrad da ong u wa ha kiwa boon ki sorbah ka ri India da em ki ya u Commissioner of Police, tangwa kamwa man kattæ ha Shillong dang du hadooh ka kyrdan Superintendent of Police. Kamtæ da ong u wa chisien wa da thung ya u Commissioner, daw em leh kiwi ki pulit ki wow kreh hapoh yong oo wei daw ye u pynwandur yei long i man ha i pynlai bait ya ki aiñ ki kanun.
Da ong u wa kamwa da yoo wa ha nongbah Shillong da man ko kam ka pdeiñ wa mih ki kaam pyrchah aiñ wei i em du u SP City ym man iwa da biang wei deiwa em da u Commissioner daw pynboon leh ya ki pulit wei da yooluti u wa daw ye u leh smat yeini hapoh 6-7 bnai.
Discussion about this post