Ympu pyrkhat ka sorkar wow wanrah sa kawi ka State University

U Montri Rangbah ka jylla, u Conrad K Sangma da ong u wa da slem bha wa thmu wow booh ya ka State University, tangwa katni hadien 50 snem, ka sorkar da lai ko chakhmat wow chna noh ya ka State University, heiwa i kreh katni da man iwa sdang.

Da ong u wa ya katni ka sorkar ympu pyrkhat ko wow wanrah sa kawi ka University ha ka jylla, neibhah wa ktah ko ya ka muna tangka, wei ka sorkar hap pait ko leh ya kiwi ki kaam.

Kam wow pynkynmoo wa ka sorkar da wai ko ya ka Captain Williamson Sangma State University (CWSSU) kawa man leh kam ka skurbah wa nyngkong dooh yong ka jylla wa em ha Balalgre, South West Garo Hills

Ha iwi i liang u Montri Rangbah da pyntip u wa ka sorkar da chim rai ko wow wanrah ya ka ya Service Rule ha MPSC, wei da wanrah leh ya ka Amendment namo i pynkylla ya ka Meghalaya Medical Council Act, 1987.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Ka MPSC chwa ini, da ki phaw snem da krehkaam ko khlem ka Service Rule neibynta kiwa kreh ko. Wei i pynkylla ya ka Meghalaya Medical Council Act, 1987 toh nachwa em ka Medical Council of India (MCI) kawa da em hapoh ka aiñ MMCA ka jylla tangwa ya ka MCI katni da kylla cha ka National Medical Commission wei da pynyklla yow emlang ini i kyntien wa thymme.

Puræ leh: Dang yang ka sorkar yei mynjur u Lat yow sdang noh ya ka State University ka Meghalaya