U MLA ka BJP na Pynthorumkhrah, u Alexander Laloo Hek da ong u wa ymtoh wow pynbaad ya ki seiñ saiñpyrthai lada mih iwon iwon i kulmar deiwa pynrap wa i kulmar jooh mih ki wei kiwa leh toh u sñiawthooh ki yei bor samen.
Da ong u wa lada em kiwon kiwon kiwa leh ya ki kaam pyrchah aiñ ymtoh u pynbaad ya ki bei ki pa namo ki seiñ wei ymtoh u pynbaad ya ka seiñ kawa em ki.
Ya ini wa da ong u Hek uwa man leh u Montri ha ka sorkar, toh hadien wa mih i pynbaad wa kiwa yahkhmat seiñ saiñpyrthai wa kynthup na ka BJP wa ka TMC emkti ki wow pynmih kulmaar wei wow hiar thma leh ya i thaw wa man yalang u Montri Rangbah wa ki seiñbhalang ha Tura, iwa da jia ha ka 24 tarik uni u bnai wa dep.
Hawa kylli, u Hek da pynsñiaw u yei chrai wei da ong u wa ymye wow pynbaad ya kawon kawon ka seiñ lada mih iwon iwon i kulmar wei ye u pynmih du i pyrtuid ki bru wa emkti. Deiwa kylli leh wa lada kiwa yahkhmat Party mo kiwa phah ya ki bru wow pynkulmar.
Discussion about this post