Daw pynkup burom ki Muster Roll wa kiwa chet ja-skur ya u Conrad Sangma

Ha ka 17 tarik uni u bnai ka seiñ kiwa kreh Muster Roll wa tip kam ka All Jaiñtia Muster Roll Workers & Labour Union wa ka seiñ kiwa chet ja-sngi ha ki skur wa tip kam ka Union of Cook Cum Helper PM POSHAN Meghalaya daw pynkup burom ki ya u Montri Rangbah ka sorkar jylla, u Conrad K Sangma kam ka dak u burom kylliang yei lehbha, i chah chkoor yong oo ya ki phang dawa yong ki, kitæ toh wa da chimkhia u wow pynku yaka nong sngi yong ki, kamjooh leh wada yoh ki yei su man-u-bnai khlem sahteiñ de kam nachwa.

Neilang u Adviser, u K.L. Pariat deilang ka President ka All Jaiñtia Muster Roll Workers & Labour Union, ka Dayoo Ïakai khana ki wa yeini i pynkup burom daw pynman ha chnong Ummulong, West Jaiñtia Hills District, wei da kyntu haroh ki ya ki sahep, ki Head Teacher yong ki skur kamjooh waroh ki para dkhot wow ya wan emlang ki ha katai ka sngi.

Heiyatoh wa kiwa kreh Muster Roll nadooh u 2018, ka bai nong sngi yong kiwa man kam ki Unskilled da ku ko cha ka T. 300 neiwa jooh yoh ki du T. 196 chi sngi, wei neibynta kiwa chet ja-sngi ha ki skur leh i e sñiawbha da ku ko T. 2000 neiwa jooh yoh ki T. 1000 tyngka chi bnai, weiwa da yoh lut ki waroh i su wa sahteiñ.

Chooh chooh sñiawngooh ki ya u Montri Rangbah wa wot ka Welfare Board leh kawa man neibynta ka Building wa kiwi won jait kreh wa em hapoh ka chnat Labour da sdang krehkam ko nadooh wa man Montri Rangbah u Conrad heiwa kiwa kreh mistri kreh Muster Roll ha ka PWD, PHE, Water Resources em ki ka hok u man dkhot wei yoh ki ya ki Scheme yarap waphær waphær.

Related posts

Pynbna ka VPP ya ki kyrtong MDC ha ka JHADC wa KHADC

November 13, 2024

Kyntu ki seiñ ki jaitbru ri-loom ka Manipur wow dam u chibynta ha ka Election District Council

November 13, 2024

“Kamwa ka rukom bru hi, ya kiwon kiwon wa lehbha toh u burom kylliang, kamtæ i leh sñiaw i wow leh burom ya u Montri Rangbah,” ong u K.L. Pariat.

U K.L.Pariat da pynrap haroh u wa i dawa wa dang lai chakhmat katni toh wa kiwa kreh mylla haka sorkar u chongngiah ki la kammon kammon  62 snem i rta ymtoh 58 snem kamwa da booh ka sorkar katni.

I daw wa paan ki 62 snem toh wot hadien wa chongngiah leh wym yoh de ki iwon iwon i su, weiwa haki snem nachwa hadooh u 2013 leh ka sorkar e por ko u chongngiah hapoh 65 snem.