Ynnin ka sngi, ka Seiñ Khynroo Namdong-B da sdang ko ya ka 2nd Inter Dong Football Tournament (League) kawa da wan wai pyrda da u waheh chnong, u D.S. War.
I thmu wei thong yong ka Seiñ Khynroo Namdong-B wow pynman ya kani ka lympung toh kam chibynta wow pynku ya ki kaam yalehbol wei wow wanrah leh yei sñiaw yajan para khynroo ka chnong wei yow lait na ki kaam wa sih wa ki jait dih pynmuaid hapoh ka chnong.
Ya kani ka 2nd Inter Dong Football Tournament (League) da pynman ha madan Sari Namdong-B heiwa da em 6 tylli ki dong kiwa da wan wow ya chimbynta wei ha kani ka sngi wai pyrda da sdang ya ka yalehke hapyrdi ka Mukhnang Pyrchah yaka Dong Mission.
Neiliang u waheh chnong hawa e yei klam, da e u leh ya ki kyntien e mynsien ya ki khon khynroo wa pynlai ya kani ka Tournament yow pynku ya ki kaam yalehbol hapoh ka chnong, wei da kyntu u leh ya kiwa yalehke wow ya kreh chitom ki wei ymtoh wow dooh mynsien ki hei lai luti yong ki lada toh wa mih iwon iwon i chah beiñ tangwa wow kreh chitom hadooh wa poi chei jop wei chooh chooh da kyntu u ya kiwa yahkhmat kam u President wa Secretary wow chimkhia u pynman ya kani ka Tournament man-u-snem khnang wa ki khon khynroo ka chnong u yoh ki wow chimbynta wei wow pynyoo yei sap i phong wa ki em ki.
Da ong u leh wa ki kaam yalehbol da man ko leh kam ka laad yoh khih yoh kreh.
Discussion about this post