U Perit Lyngdoh uwa pynman ya ka yakob khwe dakha wa heh dooh ha Ri-loom Jaiñtia ha ka nan u Maiat Muksor wa em ha Mynsngat Mootha, West Jaiñtia Hills District, ha ka 9 tarik uni u bnai, kam chibynta wow pynkhreh da theh u 2 Ton tam ki dakha ha waroh ki 5 tylli ki nan wa em ha kani ka thaw
Ha kani ka kynti ka song poisa ya waroh kiwa jop ha kani ka yakob khwe dapoi ko waroh T. 60 lak.
Kani ka T. 60 lak kynthup ko ya ka 1st Prize kawa T. 5 lak, ka 2nd Prize T. 3 lak waka 3rd Prize T. 2 lak. Kiwa yoh ya ka 4th Prize hadooh ka 50th Prize u yoh ki mar T. 1 lak samen. Uwa yoh 51st Prize u yoh u T. 50,000 neitæ uwa yoh 52nd Prize u yoh u T. 30,000 katwa uwa yoh 53rd Prize u yoh u T. 20,000. Em leh 20 tylli ki Consolation Prize kiwa mar T. 10,000 samen.
Ka sngi wow pynman ya kani ka yakob khwe toh ha ka 16-08-23 nadooh 9:00 waje i step hadooh 2:00 waje i sngi.
Kamtæ da khut sñiawbha ya waroh wow wan cha kani ka yakob khwe dakha ha katai ka sngi.
Puræ leh: Da ki hajar ngut wa wan chimbynta ha ka yakob khwe kawa T. 50 lak ki khusnaam
Discussion about this post