Ka United Democratic Party (UDP) ha ka yalang yong ka General Council da thung biang ko ya u Metbah Lyngdoh kam u President ka Party, wei da yoh leh ya kiwa kitkaam wa thymme wa kynthup ya u Advisor, u BG Momin wa u General Secretary, u Jemino Mawthoh neitæ ki Working President wa ki Vice President kamjooh kiwi kiwa kitkaam ka Party, tangwa ha kani ka thup yong kiwa kitkaam wa thymme, i pyrtuid u Chief Adviser warim ka UDP wa man leh u MDC wa da sæh namo Nominated MDC ha ha KHADC ym em u mih i.
I jied ya u President wa thymme da leh da ka Nomination Committee yong ka Party wei hadien wa da bichaar bniah bha da phah won ya i pyrtuid cha ka General Council wow pynskem ya u President. Kani ka thup u krehkaam ko neibynta 3 snem.
Hawa klam wa kiwa pathai khubor, u Metbah Lyngdoh da ong u wa ka Party kmen ko wada lai ko chakhmat hanla dang em chiboon kiyi kiyi kiwa hap wow kynjoh. Da ong u leh wa i pynkhlan ya ka Party wei i ye yong ka Party wow man kamwa man katni toh nei yakrehlang yong kiwa rap rim wei ka Party da raikut yumut ko wow pynkhlan chooh ya i rukom krehkaam.
Ha iwi i liang, u khlieh ka UDP da ong u wa i angnood u President wa da khalad noh, u Dr. Donkupar Roy wow pynyatylli ya waroh ki seiñ ri loom dang im i, wei daw pteiñ i yaklam deiwa pynrap wa hadooh katni ka UDP waka HSPDP dang krehlang ki hapoh ka Regional Democratic Alliance (RDA).
Hawa klam yei dawa pynkrehkaam ya ka ILP wa i tipmit ya ka ktien Khasi hapoh ka 8th Schedule, da ong u wa neiliang ka Party daw booddien ko yeiwa da yaklam da u Montri Rangbah dang ini wadep heipor wa lai u cha Delhi.
Discussion about this post