U Working President ka UDP uwa man leh u CEM warim ka KHADC, u Titosstarwell Chyne da ong u wa ka sorkar jylla toh u yaklam ko yei booh ya i kyntien Village Council ha i pynkylla ya ka Sixth Schedule yong ka riti synchaar ka ri India.
Da ong wa ha i yachem ki Montri ka jylla wa u Montri Rangbahdooh ka ri ha ki kajiak sngi, neiliang ka sorkar ym em pynsñiaw ko ya i pyrchah yei booh noh ya i kyntien Village Council. Da ong u wa neiliang ka UDP wa ki ki MDC ym hun ki yeini neibhah lada pynemkaam da i ktien Village Council daw pyndooh noh ko ya i krehkaam ki Dorbar Chnong wei ki riti dustur leh daw kylla lut noh ki.
U Titos uwa man katni kam uwa yahkhkhmat ka liang pyrchah hapoh ka KHADC da ong u wa heipor wa man CEM u da wanrah u ya ka aiñ kawa da tip ka Village Development Council da i thmu wow lai chaphrang chirup wa i kwah ka sorkar pyrdi wow em ka synchaar khadar wei ki Scheme leh u krehkaam ki cha ki chnong ki thaw.
Da ong chooh chooh u wa kamwa man katni ki manbei leh kwah ki wow embynta ha ki dorbar chnong, katwa ka riti dustur u Khasi ym chah wei i yaklam hadooh katni dang lai i chaphrang deiwa pynrap wa ha ka Village Development Council Act kdaw ko wa ye ki manbei wow embynta ha ki dorbar chnong.
Discussion about this post