Deiwa pynkup burom ya kiwa pynneh ya ki dak kjat u warim da lehkmen ya ka sngi laitlooid ha Meghalaya

Deilang wa waroh kawi ka ri, ka Meghalaya leh ynne da lehkmen ko ya ka 77^th Independence Day ha kylleiñ ka jylla heiwa ha nongbah Shillong, u Montri Rangbah, u Conrad K Sangma da pynhær u ya ka lama ka ri wei da chim u leh ya ka Rashtriya Salute yong 18 tylli ki liang wa chimbynta ha ka Parade wa kynthup ya ka BSF, CRPF, MLP, Tripura State Rifles, Unitarian Hr. Secondary School Puriang, Holy Cross Secondary School, Nongmensong, Nongrah Secondary School, NCC  Boys & Girls, Meghalaya Bharat Scouts & Guides, Laban Presbyterian Hr. Secondary School, Little Flower Secondary School, Seven Set Hr. Secondary School, BSF Sr. Secondary School, Auxilium Girls Hr. Secondary School, Brookside Adventist Hr. Secondary School, kiwa yah kule namo ka Horse Contingent ka Assam Rifles Higher Secondary School wa kiwa tem wa put namo ka Brass Band ka Border Wing Home Guards.

U Montri Rangbah da saam u leh ya ka khsunaam wa tip kam ka Arts and Craft Villages Award cha kiwa pliah wa pnah wow chna wow tah tiar kiwa man leh kam ki bru wa yada yei dustur riti ka jylla heiwa ya kani ka khusnaam da e cha ka chnong Wahkhen, East Khasi Hills District kiwa chna ya ki tiar tem tiar put yong tynre khamtam deiwa pynemkaam da ki chken ki siej.

Ka chnong Larnai, West Jaiñtia Hills District leh da chah pynkup burom ko da kani ka jooh ka khusnaam yei chna khcu khyndaw deiwa pynemkaam dei stat yongrim (Traditional Black Clay Pottery), ka chnong Pahambir, Ri-Bhoi District yei pynneh pynsah ki ya ki parom yongrim, ka chnong Tangmang, East Khasi Hills yei stat ki u chna chylliah, ka chnong Mairang, Eastern West Khasi Hills District yei em ko ki bru wa em sap wow tah dieñ yow pynwandur har rukum nadooh i chna dur wa kiwi de ki jait neitæ won ka chnong Amindagre, West Garo Hills kawa man ka chnong kawa man ka Museum kawa em sa du ki dur ki dar wa da pynwandur na ki dieñ wa ki moo.

U Montri Rangbah da saam u leh ya ka khusnaam State Literary Award neibynta u snem 2010 cha u (L) Rev. Dr. Iarlington Kharkongor ya ka kot u wa pyrtuid “Ka Nongrim ban tei bad tehsong ia ka iing ka sem ka Ri bad Jaitbynriew” neibynta ka Khasi Literature wa cha u (L) B S Bangshall ya ka kot wa thoh u wa pyrtuid “Sonajing” neibynta ka Garo Literature. Ka State Literary Award neibynta u snem 2011 da e cha u (L) Dr. J. S. Shangpliang ya ka kot wa thoh u wa pyrtuid “Ka Khet” neibynta ka Khasi Literature wa cha u Lwellyn R Marak neibynta ka kot u wa pyrtuid ka “Pagitchamrangni Agana” neibynta ka Garo Literature.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ha uni u snem ha ka March Past da yoh nyngkong da ka Holy Cross Secondary School, Nongmensong wa ar ka Brookside Adventist Hr. Secondary School wei hei wa le da yoh ka Nongrah Presbyterian Secondary School.

Ka R.M. Kurbah, Deputy Commissioner, East Khasi Hills District da saam ko ya ka Kayakalp Award 2022-23 neibynta ka East Khasi Hills District cha ka Ganesh Das Govt. MCH Hospital, Shillong kawa da yoh yei naam Best District Hospital & Eco-friendly District Hospital, ka Civil Hospital, Shillong kawa da yoh ya ka Commendation Award for District Hospital, ka Sohra CHC kam ka Best CHC & Eco-Friendly Award, ka Mawphlang CHC wa Sohiong CHC kiwa yoh ya ka Commendation Award for CHC, ka Thynroit HWC-SC wa Thangsning HWC-SC kiwa yoh nyngkong wei wa ar na ki HWC-SC, ka Kharang HWC-SC kawa da yoh ya ka Commendation Award for HWC-SC waka Umsohsun UPHC kawa yoh ya ka Commendation Award for UPHC. Ka Megha Health Insurance Scheme (MHIS) wa Pradhan Mantri Jan Arogya Yojana (PMJAY) da jied ki leh ya ki thaw sumaar kiwa da lehbha kiwa em hapoh ka East Khasi Hills District wei kini toh ka Diengiei PHC hapoh ka PHC Category, ka Bansara Eye Center hapoh ka Eye Care Hospital Category waka Dr. H. Gordon Roberts Hospital hapoh ka Private Hospital Category.

Ka East Khasi Hills District Social Welfare Office da e ko ya ka DSWO Award cha ka Saduka Rangad, Probation Officer, Special Home, Boys, Mawkasiang, New Shillong kam chibynta wow tipmit yei kreh chitom neibynta wow e yada ya ki khynnah.

Da pynbna leh yei pyrtuid kiwa yoh ya ka Police Medal for Meritorious Service wa kynthup ya u Lumlang John Malngiang, Havildar, East Jaiñtia Hills DEF wa u Ram Phawa, Havildar, Police Taining School, Umran. Kiwa yoh won ya ka Union Home Minister’s Medal for Excellence in Investigation neibynta u snem 2023 toh ka Salmay R Marak, Sub Inspector, West Garo Hills DEF.

Ya ka Fire Service Medal for Meritorious Service Awardees da pybna yei pyrtuid u Dawrupaia Passah, Leading Fireman wa u Iengborsing Majaw, Fireman.

Ya ka President’s Home Guards & Civil Defence Medal for Distinguished Service da pynbna cha u Merinpole Koksi Sangma, Joint Director of Civil Defence. Ya ka Home Guards & Civil Defence Medals for Meritorious Service da e cha u Bakstar Mynsong, Sub Inspector (HG) wa cha u Ram Charles Lamare, Havildar (HG).

Ha kani ka sngi da pynwyrngia da ki yalehke na ki khynnah ka St. Mary’s Hr. Secondary School, Shillong Public School, Seiñ Raij Secondary School, Holy Cross Secondary School waka Government Girls’ Hr. Secondary School.