Thung dieñ ka kur yong Pde ka Chilliangraij

Kam chibynta ka Mission LiFE, ynnin i step da pynman yei thung dieñ da ka kur yong Pde kiwa sah hapoh ka Chilliangraij, Jowai.

Ya kini ki dieñ da thung ha Thlumusniang Trepariat kamwa 130 tre wa kynthup ya ki dieñ Champa, Puma wa ki dieñ Sachram.

Ya ini da leh hapoh i yahkhmat u DH Pde uwa man leh kam u Waheh Chnong ka Chilliangraij uwa dang dep chah pynkup burom ini wa dep ha ka lehkmen sngi laitlooid kam uwi na ki bru wa kreh chitom wow pynneh pynsah yei yirngam wei khooid ki soodong ka chnong Jowai.

Neiliang u DH Pde da ong u wa ini man ko ym du wow pynneh pynim ya ka bei rym-aw tangwa neibynta ki khon, ki khynnah ka juk wa daw wan.