Ka Moosianglamare New & Youth Welfare Organisation Sport Club dei sñiawkmen da pynbna paidbah ko wa ka yalehke ka Final yong ka 10th Open to All Knock-Out Football Tournament Fixed Prize Money 2026 daw pynman ka ha ka 11 tarik u July, 2026 heipor 1:00 waje i sngi ha Madan Football Moosianglamare New.
Ka yakhun Final u man ko hapyrdi ka Kur Nongtdu FT pyrchah ya ka Thangskai Tigers SC ha ka yalehke wa da yooluti wa chiboon ki paidbah wa kiwa maya bol ka thaaiñ daw wan ki na ki chnong waphær waphær.
Ka Ticket pait bol man ko Rs. 50 uwi u bru.
Chooh chooh, kam chibynta wow pynphooh pynphieñ ya kani ka yalehke Final, ka Club daw pynman ko deilang ka Fete wa ar sngi katæ ha ka 10 wa 11 tarik uni hi u bnai July ha Moosianglamare New Community Hall, nadooh 7:00 waje i miet.
Daw em leh ki kaam pynwyrngia kiwa kynthup ya ka:
Kyrwiang, Carromboard, pynkhle tiar,pynkhle Lucy Dip wa kiwi de kiwa man kamni ha wah:
Lucky Express
Khusnaam:
1st Prize- Rs.15,000
2nd Prize-Rs.10,000
3rd Prize -Rs.5000
Dor Ticket Rs. 20 chi sla
Chi Book Rs. 200
Bumper Housie
Pool Prize: Rs. 36,000
1st House: Rs. 20,000
Line Prize: Rs. 4,000 uwi (Corner,Top, Middle, Bottom)
Dor Ticket: Rs. 300 (1 Card) wa Rs. 700 (3 Card)
U pynkhle hadien kut ka yaleh Final.
Kamtæ ka Club da khut sñiawbha kyrpang ko ya ki para chnong, ki jan chnong, kiwa maya bol, ki waheh chnong, ki manbei manpa, ki khon khynrooo, ki paidbah waroh wow wan sakhi ya kani ka yalehke Final wa khroo wei wow e mynsien ya ki liang wa yakhun kamjooh wow chimbyntalang ha ka Fete kawa da pynkhreh yow pynyoh yei kmen, i yatylli wei sñiaw yajan para paidbah.
I wan yong phi wow e yei kyrchaan daw man ko i kyrkhu ya ka Club wa i thmu wow kyntu kynrong ya ki kaam yalehke ha ka thaaiñ.
Discussion about this post